I made this widget at MyFlashFetish.com.

Tuesday, July 31, 2012


My New Campus



Nguji ke nampung pelajar ba kampus UTM ari program SPACE ke meri peluang ngagai orang ke bekerja nampung pelajar sida ngena cara belajar jauh tauka Distance Learning kelebih agi dalam Civil Engineering Program. Ngena peluang tu mega aku begulai enggau bala maiuh maia ke dalam kelas ujung minggu, bala ke sama sekelas datai ari macam- macam agensi baka JKR, Land And Survey, Council, Private Sectors serta bisi mega ke ngembuan kompeni bedagang ke diri empu. Nyau ka masuk semester ke-3 dia bala maiuh gaga bendar ati laban ke bulih pemutus peresa ke manah serta ulih nerus ke ngagai semester ke ka datai. Arap ke bala kaban aku baka Mr. Franklin Bantin aka Tuan Jalai, Mr. Roger, Mr. Kennedy, Mr. Delmon ari Sabah, Mr. Haniff aka Chief serta bala ke bukai mujur dalam pengawa belajar tu serta ulih continue ngagai Postgraduate Program ya ke continue ari program tu ila Masters Civil Engineering enggau Masters Civil - Structural ari baruh universiti ke paling tebilang dalam Engineering Program di Malaysia ianya Universiti Teknologi Malaysia. Enda lama agi dia bala kami sekelas deka ngagai Johor Baharu di main campus ngenatai ke diri ngagai Civil Engineering Laboratory enggau Engineering Seminar.


Bala Maiuh begambar enggau Pensyarah (bakal Dr) ianya En. Abdullah Zawawi


Dynamic Group begulai kena group presentation subjek Water Treatment
Diajar Dr. Aznah



Bala student UTM Space nemuai ngagai palan pemeresi ai di Batu Kitang Kuching 
enggau Dr. Aznah kena subjek Water Treatment



Begambar enggau Dr. Sharidan Pensyarah Differential Equation ari Kiba:
Marshall Minggu, Dr. Sharidan, Roger Geoffery enggau Franklin Bantin

Friday, December 23, 2011

D' Union WAVE



Kumpulan D' Union WAVE Diatu

Kumpulan D'Unon WAVE lama udah di tubuh ke lalu udah kala merakam Album ke terubah. siti ari lagu ke dalam album ke terubah ianya "Enggai Jauh Sulu" ke mai konsep slowrock. Kumpulan tu betuai ke Mr. Edmund Jalian ti bemain lead gitar lalu disukung Mr. Christy (Lai) ke bemain bass, Mr. Keneddy L (Ken) ke bemain gitar, Mr. Timothy (Tootik) ke bemain drum, Mr. Jame Tom ti nyadi penyanyi serta ulih bemain keyboard. Sida tu meh pengasas band tu ke ulih serta kala merindang bala maiuh maia ke bisi pengawa baka dinner, lunch, orang melah pinang, dinner gawai serta maiuh agi pengawa ke bukai. Endang nyadi ke juluk ati tiap- tiap band ke udah ditubuh ke, deka maju ba pengawa merindang orang. Bakanya mega band D'Union WAVE. Semua bala dalam band tu endang mangku pengawa magang kelebih agi pengawa ba perintah. Tang nya enda nyadi penanggul band tu ba dunya pemerindang.

Aku endang sigi lama udah begulai enggau bala dalam band tu lebuh maia sida ke merindang orang. Kala mega begulai bemain enggau sida bebai ke maiuh macam lagu kemaia hari tu serta praktis main musik lebuh maia bisi awak. Tuju ati nadai ke bukai kelimpah ari minat bemain music serta rindu merindang orang. Mula arinya aku lalu bisi buah runding deka ngaga lagu ke band kami tu ngambi ke nyadi album ke dua dikena nambah ke pengeluaran lagu band tu. Album ke dua ke diberi nama "Keran" udah tembu ditusun program lalu enda lama agi dikeluar ke enti nadai penanggul. Maia ke ngaga projek tu dia aku ditulung kaban aku Mr. KCDM, Mr. Keneddy L, Mr. Barky Sagai, Mr. Junaidi M serta Mr. Jame Tom. Pengawa compose lagu sigi ukai pengawa ke mudah lalu deka beguna ke idea ke maiuh. Ngaga lirik lagu enggau tiun lagu beguna ke jam ke betul serta ilham ke datai kediri ke dalam buah runding. Dalam Album Keran, dia aku bisi ngaga 9 iti lagu lalu dua iti lagu digaga Mr. Jame Tom.

D'Union WAVE bisi pengalaman dalam dunya pemerindang sebedau tu, tang bedau bisi composer ke ulih meri lagu dikena ngemansang ke band tu jauh agi. Minat dalam pengawa ngaga lagu mega tau dikena nulung industri music kitai Iban maju baka industri music ke bukai. Ngarap ke Band D'Union WAVE tau mujur ba tahun ke ka datai tu ila serta ulih sama- sama sejalai enggau band- band ke bukai. Enti deka maju dalam dunya pemerindang, kitai enda tau kepapas ke orang bukai serta anang merning orang kelalu baruh. Anang sesekali kitai nganggap diri HEBAT, laban kitai enda meda orang bukai ke enda temu kitai rita.


Mr. Edmund, Mr. Keneddy, Mr. Marshall, Mr. Timothy


Mr. Christy (Lai)


Ketuai Band D'Union WAVE


Mr. Barky Sagai unggal aku ke maiuh nulung dalam
Mastering Album Keran


Ajonz


Benung ngaga tiun lagu

FaceBook




Thursday, December 22, 2011

Pejalai Tahun 2011




Nyau enda berasai Tahun 2011 udah ka ngelepas ke diri ninggal ke kitai. Baka tahun- tahun ke udah, pejalai Tahun 2011 endang maiuh meri kitai cerita dalam pengidup ke digaga kitai ngelama tu. Tiap iko kitai endang bisi pengiruh dalam hari- hari ke ka datai, smuanya kena kitai mutar ke pengidup kitai enggau family,apai indai, kaban belayan, bala sama opis enggau enda lari mega bala orang ke beguna ke kitai ke nda ngira bansa serta pengarap. Tahun 2011 ba tiap kitai endang bisi meri reti ba kitai serta semuanya disasai ke kitai empu. Manah, enda manah serta utai bukai sama kitai empu ngenang. Kitai semampai ngenang utai ke manah tang taja pia utai ke bukai sma meh kitai ngubah ba tahun ke ka datai. Nadai ngira kitai kerja perintah tauka kerja swasta, kerja betanam, bumai tauka pengawa tradisi kitai, Tahun 2011 endang semampai meri jalai dalam pengidup kitai. Ba pemidik nasib engka bala kitai maia nya bc bulih pengawa ke manah agi, bulih pangkat ke tinggi ari ke ngelama tu, bulih anak menantu, bulih rumah baru, kereta baru, bulih pengerai, gerai ari sebarang pemedis, pengerai ti meruan, pemujur dalam belajar, bulih padi, bulih reta serta utai bukai ke endang semampai disampi dipinta kitai ngelama tu. Ba senentang penusah kita anang ngenang laban endang gaia pengidup kitai sigi semampai enda lari arinya, tang kitai seruran besampi ngambi ke jauh serta enda ditinggang utai ke disebut penusah. Pengelantang dalam pejalai Tahun 2011 ba tiap iko kitai tebantai maia kitai ngenang semuanya dalam ati lalu ngasai ke semuanya udah ayan ba mua mata kitai. Kitai sama meda ba diri kitai empu nama hasil serta penguntung ke udah diulih kitai. Ngarap ke Tahun 2011 ulih meri kitai peransang dalam ngereja pengawa betungkat ke utai ti udah dikereja kitai serta Tahun 2012 ke ka datai tu ila ulih meri kitai peluang pia mega jalai ke manah agi dalam pengidup kitai. Arap ke semua kitai Gerai, Lantang Senang serta Semampai Gaga dalam semua pengawa. Selamat Nyambut Hari Christmas enggau Selamat Nyambut Penatai Tahun 2012.

Friday, July 2, 2010

Staf JKR Saratok 2009

Bala Kakitangan JKR Daerah Saratok Benung Begambar Bala Maioh

Seksyen Civil

Seksyen Mekanikal

Seksyen Bekalan Air

Antara 3 Seksyen ba JKR Daerah Saratok ke besai ari segi penyampau tauka pemaioh staf. Semua Staf JKR Saratok bisi 85 iko bala. Semua Staf tu begaji bulan magang jam ke diatu. Bisi 8 iti seksyen ba JKR Saratok, iyanya Seksyen Pentadbiran, Seksyen Akaun, Seksyen Stor, Seksyen Elektrik, Seksyen Mekanikal, Seksyen Waterworks (Water Supply), Seksyen Civil enggau Seksyen Bangunan. Semua seksyen tu bisi bejalai ke pengawa nitih ke atur ke udah ditentu sida ari Headquarters. Baru- baru tu tadi dalam tahun 2010, bala staf JKR Saratok bisi begambar ngena baju korporat. (deka di upload dalam post ya ke ka datai tu ila)

Pembukaan Tahun 2010

Aku Benung Nerima Pemeri Ari Tuan DE JKR Saratok

Kira pengujung tahun 2009 nyin kemari, dia semua Section Head ba JKR Daerah Saratok bc nerima pemeri ari tuan DE Saratok. Pemeri tu dikena meransang semua Section Head ngambi ka ransing agi leboh maia ngereja pengawa. Pemeri tu mega besai endar reti ba kami laban pekara ke bansa tu mandang ke ketuai kitai ngambi berat pasal staf iya. Semua bala ke lelaki nerima Neck Tie air tuan DE sereta cda ke indu bc mega nerima pemeri ari iya. Bala kami berasai gaga bendar lalu udah bekaunya semua staf JKR Saratok begambar bala maiuh ngambi ke pengingat. Terima Kasih Tuan DE, Engr. Cassidy Morris

En. Peter Engkasan Benung Nerima Pemeri Ari Tuan DE


En. Ajon Meredan Nerima Pemeri


En. Nyandang @ Jugah Japang Nerima Pemeri Ari Tuan DE


En. John Indit Nerima Pemeri Mega


Puan Sulan Sama Bisi Nerima Pemeri Ari Tuan DE



Wednesday, November 4, 2009

Jambatan I-Beam Nanga Batang ke Udah Tembu digaga

Tu nyambung post ke lama ti madah ke pengawa ngadu ke jambatan di Nanga Batang. Gambar ti dipandang ke sekali tu ngayan ke gamal jambatan ke udah tembu diadu serta ba tebing sungai Krian ke bisi tusur pan udah mega di adu ke ngena Gabion Wall Structure. Tusur tu laban ke ditumpu ai sungai Krian leboh maia musim pengujan laban gaia ai ke besai serta deras. Pelaba aku, diatu penanggul tu nadai agi laban ke udah diadu tang ti nyema bisi pan enda meh balat baka suba. Arap ke nadai penanggul agi meh.


Lantai jambatan udah ditukar ngena kayu belian.

 
Komponen jambatan ke bukai pan udah dipasang








Timber Bridge nyau udah siap.


Gabion wall udah dipasang- Slope Protection




AKUARIUM NO 2